Ырыа ансамбла Анаабыр улууһун өрөгөйүн ырыатын толорбутун кэнниттэн сценаҕа Сааскылаах уонна Үрүҥ-Хайа нэһилиэктэрин баһылыктара Евгений Лаптев уонна Канат Алькенов тахсан, эҕэрдэ тылларын этэн, улуус баһылыга Иван Семёнов аатыттан наҕараадалары туттардылар.

Тыа сирин Сылын түмүгүнэн уонна Саха сирин бастакы табаһытын И. К. Спиридонов сүүс сааһынан улуус баһылыгын биир мөлүйүөн солкуобайдаах гранын И. Спиридонов аатынан 2 №-дээх таба иитэр биригээдэтэ ылла.

Улуус баһылыгын махталын "hейро" ЭКЦ уус-уран салайааччыта Сергей Сыроватскай тутта. Бу ахсынньы күннэригэр Дьокуускайга инбэлиттэр республикатааҕы Спартакиадалара буолла, онно улуус хамаандата хотугу улуустарга үһүс бочуоттаах миэстэни ылла.