Куонкуруһу улуус дьаһалтата, улуустааҕы үөрэх управлениета, оҕону эбии үөрэхтээһиин киинэ, оҕо научнай-техническэй дьоҕурун сайыннарар «Сайдыы суола» тэрилтэ тэрийдилэр.

-- Дьүүллүүр сүбэҕэ улуус баһылыгын солбуйааччы Спиридонов В.В., үөрэх управлениетыттан Константинова Т.И., архитектура управлениетыттан Ефремова В.Л., Оҕону эбии дьарыктыыр киин директора, «Сайдыы суола» тэрилтэ салайааччытаКолесова А.М.,Эдэр техниктэр станцияларын сэбиэдиссэйэ Ефремов А.Е. киирдилэр. Куонкурустаһааччылар бырайыактарын хайдах көмүскүүллэригэр, тиэмэтин төһө аһарыгар, олоххо-дьаһахха төһө суолталааҕар, о.д.а. ордук улахан болҕомто уурулунна. Бастакы түһүмэххэ үлэ бырайыагын көмүскээһин буолла. Иккискэ оҕолор сатабыллара сыаналанна. Ол курдук, пластмасса бытыылкалартан биир чаас устатыгар тугу сатыылларын толкуйдаан оҥордулар. Манна чыычааҕы аһатар уйачаантан пеналга, сибэкки дьөрбөтүн угар вазаҕа, араас оонньуурга тиийэ оҥорбуттара көрүөхтэн үчүгэй, -- диир Оҕону эбии үөрэхтээһин киинин директораАлександра Колесова.

Икки түһүмэхтээх эппиэтинэстээх күрэстэһии түмүгүнэн Филиппов Василий(8 кыл., улуустааҕы гимназия)бырайыага «Электронное пособие «Достопримечательности Горного улуса», Егоров Дьулус (9“б” кыл., Бэрдьигэстээх оскуолата, «Электронное пособие «Улуу Кыайыы боотурдара»), Лукина Аина (4 кыл., С.Данилов аатынан Бэрдьигэстээх оскуолата, «Новая игра «Давно забытое старое»), Анисимова Кристина (10 «б», Бэрдьигэстээх оскуолата, «Чистый двор»), Холмогоров Виктор (8 кыл., гимназия, «Робот-поводырь «Seeingtye»), Ефремова Аэлита (7 кыл., гимназия, «Создание самодельного полуавтоматического полива для огорода»), Никаноров Тимур (6 кыл, Бэрдьигэстээх оскуолата, «Малогабаритный токарный станок «Мини-мастер»), Татаринова Клава, Скрыбыкин Владимир (11 кыл, С.Данилов аатынан Бэрдьигэстээх оскуолата, «3D-картинная галерея художника А.Н. Осипова») үлэлэрэ үрдүктүк сыаналанан улуус баһылыгын Гранын ыллылар.

Улуус баһылыгын солбуйааччыВладимир Спиридонов оҕолору истиҥник эҕэрдэлээтэ, инникитин да бу курдук көхтөөхтүк кытталларыгар баҕарда, дохсун ытыс тыаһыгар доҕуһуоллатан Граннары туттартаата.