-- Сыл устата ыытыллыбыт үлэни-хамнаһы Дьэлиҥдэ, Кирбэй нэһилиэктэрин, Өлөөн бөһүөлэгин олохтоохторугар отчуоттаатыбыт. Ээйик бөһүөлэгэр бу ый бүтүүтэ тиийиэхпит. Дьон-сэргэ аһаҕастык сэһэргэһэргэ бэлэмнэнэн кэлбитэ кэпсэтиини улаханнык сэргэхситтэ, -- диэтэ оройуон баһылыга Александр Иванов.

Баһылык сырдаппытыттан сылыктаатахха, ааспыт сылга улууска улахан үлэ ыытыллыбыт. Маныаха хотугу улуустар ортолоругар бастакы миэстэни ылбыта да элбэҕи этэр. Холобур, толору хааччыллыылаах 56 квартира үлэҕэ киирбит. Суолу-ииһи, объектары, өрөмүөннээһин тиһиктээхтик ыытыллыбыт. Кэтэх квартиралары кииннэммит ититэр тиһиккэ холбооһун, табаһыттар хамнастарын 20 тыһыынчаҕа диэри үрдэтии, СР норуоттарын VI Спортивнай оонньууларыгар хотугу улуустар ортолоругар бастааһын, «Мисс Арктика» кыраһаабыссалар куонкурустарыгар кыайыы көтөллөнүү о.д.а. ситиһиилэр олохтоохтор санааларын улаханнык көтөхпүт. Оройуон баһылыгын отчуотугар Ил Түмэн депутата, Арктика дьыалаларын уонна хотугу аҕыйах ахсааннаах норуоттар комитеттарын председателэ Елена Голомарева кыттыытын өлөөннөр болҕомто ууруллуутунтуоһутун быһыытынанылыналлар.

Быйылгы отчуоту истэн баран, тыа сирин дьоно, өрүү буоларын курдук, тулалыыр эйгэни харыстааһыҥҥа санааларын ордук этиннилэр. Кинилэр промышленность тэрилтэлэрин кытта биир сыаллаах-соруктаах үлэлээһин тулалыыр эйгэни, кыылы-сүөлү харыстааһыҥҥа ордук дьайымтыалаах буолуоҕун бэлиэтээтилэр. Итинтэн сиэттэрэн кыыл-сүөл сир уларытыыта олохтоох омуктар олохторугар-дьаһахтарыгар улахан суолталааҕын ыйдылар. Маны сэргэ, Сбербааҥҥа аадырыстаан терминаллар үлэлэрэ мөлтөҕүн эттилэр, ол болҕомтоҕо ылылларыгар баҕардылар.

Айан-сырыы боппуруоһа эмиэ көтөҕүлүннэ. Нэһилиэккэ вертолет оннугар сааһын, күһүнүн АН-2 самолет сылдьарын туруорустулар. Суотабай сибээс өҥөтө кэҥииригэр уонна тупсарыгар баҕардылар.

Оройуон баһылыга үүммүт сылга толору хааччыллыылаах дьиэлэри тутууну сэргэ, кирдээх ууну оботторон таһыы, бөҕү-саҕы ыраастааһын боппуруостара биир кэлимник быһаарыллан иһэллэригэр болҕомтону өссө күүһүрдэр былааннааҕын хайҕаатылар.

Түмүккэ сыллааҕы үлэни биһирииллэрин биллэрдилэр, бары тэрээһиннэргэ сүбэ-ама, күүс-көмө буоларга баҕалаахтарын биллэрдилэр.