Өлөөҥҥө үлэ бастыҥнарыгар улуус баһылыгын граннарын туттардылар

Бу күннэргэ Өлөөҥҥө сылы түмүктүүр тэрээһиннэр ыытыллалар. Соторутааҕыта ыччаттарга бэйэлэрин таһаарыылаах үлэлэринэн холобур буолар ытык дьоннорун чиэстээтилэр. Дьоро киэһэҕэ дохсун ытыс тыаһыгар доҕуһуоллатан «Лучший по профессии», «Лучшее предприятие», «Специальные номинации года» ааттар туттарылыннылар.

- Үөрүүлээх киэһэҕэ сылдьаммыт санаабыт улаханнык көтөҕүлүннэ. Бу күн бастыҥ үлэһиттэр, тэрилтэлэр ааттаннылар, махтал суруктары, бэлэхтэри туттулар. Ону сэргэ, быйыл аан бастакытын улууспут баһылыга Александр Иванов бэйэтин граннарын үс киһиэхэ туттарда. Үйэбит тухары төрөөбүт Сахабыт сирин туһугар бары кыһамньыбытын, сырабытын ууран үлэлээбит кырдьаҕастар онтон улаханнык үөрдүбүт, - диэтэ үлэ, тыыл бэтэрээнэ, өр сылларга Эдьигээн, Өлөөн улуустарынан салайар үлэҕэ таһаарыылаахтык үлэлээбит Николай Николаев.

Ол курдук, улуус баһылыгын граннарын бу киэһэ улуус ытык дьоно, Өлөөҥҥө культура управлениетын салайбыт, СР культуратын үтүөлээх үлэһитэ Мария Афанасьевна Анисимова, тутууга өр сылларга буспут-хаппыт, улууһун сайдыытыгар сыратын уурбут Эдуард Афанасьевич Еремеев, өр сылларга табаһыттаабыт, салайааччы быһыытынан дойдутун экономикатын тупсарыыга бэйэтин кылаатын киллэрсибит Николай Семенович Николаевылбыттарыттанбиир дойдулаахтара улаханнык үөрдүлэр. Маны сэргэ, бу киэһэ 15 киһи «Лучший по профессии» номинацияны ылла уонна оройуон Бочуотун дуоскатыгар киллэриллэр чиэскэ тигистэ. Бастыҥ үлэлээх сэттэ тэрилтэ«Лучшее предприятие» ааты ылла. Анал номинациялары улуустан төрүттээх Ил ТүмэндепутатаЕ.Х.Голомареваҕа уоннаДьэлиҥдэ нэһилиэгиттэн «Долбор» үҥкүү ансаамбылыгар биэрдилэр.