Аммаҕа улуус баһылыгын быыбарыгар Николай Архипов кыайыылааҕынан таҕыста


Быыбарга үс кандидат регистрацияны ааспыта:
Владимир Андреев - Дьокуускай куораттан „Независимость“ олорор дьиэни бас билээччилэр табаарыстыбаларын бэрэссэдээтэлин солбуйааччы, бэйэ туруорунуута;
Михаил Артемьев - Амма улууһун баһылыгын тутууга уонна инфраструктураны сайыннарыыга солбуйааччы, «Биир ньыгыл Россия» БРПП ССС Амматааҕы салаатын туруоруута;
Николай Архипов - Саха Өрөспүүбүлэкэтин ветеринарнай уонна фитосанитарнай надзор федеральнай сулууспатын салайааччыта, бэйэ туруорунуута.
Олохтоохтор улуус социальнай-экономическай сайдыытын, олоҕун-дьаһаҕын инникитин түстүүр быыбарга көхтөөхтүк кытыннылар. Николай Архипов быыбардааччылар баһыйар үгүс куоластарын ылан, Амма улууһун баһылыгын дуоһунаһыгар талылынна.
Быыбарга 8697 киһи кытынна, ити улуус быыбардааччыларын уопсай ахсаанын 84.97%-на. Урукку быыбардары кытта тэҥнээтэххэ, бу үрдүк көрдөрүү.
Куолаһы ааҕыы түмүгэ маннык буолла:
Н.А. Архипов иһин 5589 киһи куоластаата (63,74%).
М.А. Артемьев 3048 куолаһы ылла (34.76%).
В.Л. Андреевка 60 быыбардааччы куолаһын биэрдэ (0.68%).