- Быйылгы табаһыттар бырааһынньыктара Анаабыр (долган-эбэҥки) национальнай улууһун үбүлүөйдээх 85 сылын көрсө Үрүҥ Хайа сэлиэнньэтигэр Анаабыр эбэ киэҥ киэлитигэр буолла.
- Онон сибээстээн, чуолаан табаһыттар слеттарыгар араас сылларга наарталаах табанан сүүрдүүгэ кыайыы өрөгөйүн билбит, күрэхтэһии чемпиона үрдүк аатын ылбыт кыайыылаахтары эрэдьиэстиирбэр көҥүллээҥ.
- Анаабыр улууһа тэриллиэҕиттэн табаһыттар бырааһынньыктарыгар кыайыыны ситиспит дьон элбэҕинэн, кэлиҥҥи сыллар кыайыылаахтарын хаһыаттан буламмын киэҥ ааҕааччыга билиһиннэрэбин.
- Ол курдук, улууска уонна республикаҕа ыытыллыбыт табаһыттар слеттарын алта төгүллээх кыайыылааҕынан Анисимов Н.Е. буолар. Кинини тилэх баттаһа Үрүҥ Хайа олохтооҕо Попов И.А. 1999-2005 сс. түөртэ кыайыылааҕынан тахсан «Буран» уонна икки «УАЗ» массыына хаһаайынынан буолбута.
- 2003 с. Туприн А.И. кыайыы үөрүүтүн билбитэ. 2006-2008 сс. Туприн В.Т. наарталаах табанан сүүрдүүгэ чемпион үрдүк аатын ылбыта. 2009 с. Иван Туприн күрэхтэһии кыайыылааҕынан буолбута. 2011 с. Туприн А.Е., 2012 с. Попов К.В., 2013 с. Туприн А.С. уонна 2014 с. Туприн В.А. табаһыттар бырааһынньыктарын кыайыылаахтарынан буолбуттара уонна сыаналаах бириистэринэн биһирэммиттэрэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети