Санатан эттэххэ, бу сыл атырдьах ыйын 22 күнүгэр Егор Борисов сайыҥҥы халаантан күүскэ эмсэҕэлээбит Таатта улууһугар сылдьыбыта. Муниципальнай уонна республика суолталаах массыына суолларыгар мас күрбэлэри уу суурайан, улуус нэһилиэктэрин икки ардыларыгар сылдьыһыы быстыбыта. Онно кэһилиэнньэни кытта көрсүһүү кэмигэр олохтоохтор республика суолугар Таатта үрэх нөҥүө туоруур Ытык-Күөл – Булун күрбэтин туруорууну түргэтэтэр туһунан көрдөспүттэрэ.

Сэтинньигэ республика транспорын миниистирэ Семен Винокуров Саха сирин президенигэр эппитинэн, Таатта үрэҕи туоруур муостаны тутууга «Таттаавтодор» ХЭТ бэрэрээттиир тэрилтэни кытта 7,6 мөл солкуобай сууммалаах государственнай контракт түһэрсиллибит. Бэлиэтээн эттэххэ, орто кээмэйдээх хомуллар массыына муостата кылгас кэмҥэ саҥалары тутууга уонна алдьаммыт үрдүк күүрүүлээх күрбэлэри чөлүгэр түһэриигэ аналлаах.

Ахсынньы ортотугар ОКХММ-ы туруоруу үлэлэрэ түмүктэниэхтэрин сөп.