Киһи барыта үгүөрү хамнастаах буолбатах, онон ити нэһилиэнньэ баһыйар үксүгэр сыһыана суох.

Быһа холуйан, сылга 1 мөл. солк. хамнастаах дьоҥҥо пенсиялара хаарчахтаныан сөбүн туһунан федеральнай миниистир бэлиэтээбитин киин бэчээт бу күннэргэ киэҥник сырдатта.

«Бу дьаһал биллэн турар, идэлээх сойуустары, о.д.а. үлэһиттэр бырааптарын араҥаччылыыр уорганнарын кытта сөбүлэһиини ааһыаҕа», - диир М.Топилин.

Бюджет эйгэтин үлэһиттэрин дохуота улахана суох. Дойду президенэ Владимир Путин ыам ыйынааҕы ыйаахтарыгар олоҕуран, хамнас үрдээбитэ. Сорох регионнарга үлэһиттэри ууратыы, үлэ фондатын кэмчилээһин, дуоһунастары холбооһун түмүктэригэр хамнас эбиллибитэ.

Улахан дохуоттаах дьоҥҥо пенсия кээмэйин кыччатыыны кытта сөпсөспөт дьон аҕыйаҕа суохтар. Биллэрин курдук, киһи төһөнөн үрдүк хамнастаах да, соччонон Пенсионнай фондаҕа биэрэр страховой усунуоһа үрдүк.

Федеральнай миниистир көҕүлээһинэ киһи констутуционнай быраабын кэһэрин, ити дьаһал түмүгэр дуона суох үп-харчы кэмчилэнэрин ыйааччылар элбэхтэр.