- Туруоруллубут соруктары толорор сыаллаах мунньаҕы Томпотооҕу айылҕа харыстабылын инспекцията "Аһаҕас аан күнүн" ыытта. Балык харыстабылын Орто Ленатааҕы оройуоннар икки ардыларынааҕы салаатын старшай госинспектора А.А. Яворскай, Булт хаһаайыстыбатын департаменын госохотинспектора А.М. Бородин, "Госохотохрана" оройуоннааҕы охотоведа В.Н. Кучеров, инспекция госинспектора П.А. Тарабукин, СР Айылҕа харыстабылын министерствотын уһулуччу харыстанар сирдэрин госинспектора В.И. Дьяконов састааптаах бөлөх Мэҥэ Алдан уонна Кириэс Халдьаайы сэлиэнньэлэригэр тахса сырытта.
- Мэҥэ Алдаҥҥа кэпсэтии сүрүн тиэмэлэринэн балыктааһын уонна бултааһын буоллулар. Ону таһынан ГИМС хайысхатынан ыйытыылар киирдилэр.
- Кириэс Халдьаайыга нэһилиэнньэ сүрүн кыһалҕатынан "Тукулаан" диэн государственнай айылҕа заказнига буолбут. Нэһилиэк олохтоохторо отоннуурга уонна тэллэйдииргэ, ону таһынан күөгүнэн уонна спиннингинэн балыктыырга аналлаах көҥүл зонаны олохтуурга этии киллэрдилэр. Томпотооҕу инспекция үлэһиттэрэ "Тукулаан" балаһыанньатын туһунан быһаарыы оҥордулар, заказникка сылдьарга көҥүлү биэрии бэрээдэгин быһаардылар. Нэһилиэк дьоно Кириэс Халдьаайыга быһаччы олорон көҥүл биэрэр киһини аныылларыгар этии киллэрдилэр.
- Түмүккэ маннык көрсүһүүлэри чаастатык ыытар туһунан уонна "Томпо илдьитэ" хаһыат нөҥүө иһитиннэрэн, биллэрэн иһэллэригэр баҕаларын эттилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети