Миниистир туһунан иһитиннэриини бырабыыталыстыба бэрэссэдээтэлин бастакы солбуйааччы Петр Алексеев оҥордо. Сахамин Афанасьев экологияҕа, айылҕа ресурсатын тоҕоостоохтук туһаныга, государственнай сулууспаҕа сыһыаннаах үөрэхтэрдээҕин туһунан кини эттэ. Ону таһынан былаас араас таһымыгар салайар үлэҕэ сылдьыбыта.
Сахамин Афанасьев министиэристибэ кэлиҥҥы сыллардааҕы үлэтин туһунан билсибитин уонна сүктэриллибит үлэни көдьүүстээхтик толорбутун бэлиэтээн эттэ.
«Структура уларыйыытын кэнниттэн ахсынньы 1 күнүттэн ыла үлэ саҥа түһүмэҕэ саҕаланар. Министиэристибэҕэ уһуннук үлэлээбит дьон билиилэрин-көрүүлэри, уопуттарын үлэҕэ сүрүн тирэх оҥоруом», - диэтэ кини.
Айылҕа харыстабылын миниистиринэн урукку өттүгэр үлэлээбит Владимир Григорьев тылы ылла уонна дьоһун, дуоһунаска сөптөөх киһи министиэристибэни салайар буолбутун чиҥэтэн эттэ. Киниэхэ бырабыыталыстыба бэрэссэдээтэлин бастакы солбуйааччы Петр Алексеев өрөспүүбүлүкэ баһылыгын махталын биллэрдэ.
Комментарии
Авторизация на сайте через социальные сети