“Түһүлгэ” Сынньалаҥ киинигэр Уус-Алдан улууһун баһылыгын социальнай эйгэҕэ солбуйааччы, Бороҕон нэһилиэгин баһылыга, олохтоох “Үһүс көлүөнэ” оскуола бэрэстэбиитэллэрэ сүрдээх истиҥник көрүстүлэр. Киэҥ-куоҥ саалаҕа хаҥаластар, уус-алданнар улахан быыстапканы тэрийдибит. Биһиги өттүбүтүттэн Надежда Андреева хаартыскатын “Хаҥалас Олоҥхо маанылаах дойдута”, Покровскай куорат туһунан “...Мгновения прошлых лет” уруһуй, “Хаҥалас олоҥхото” түрбэ быыстапкаларын эксурс оҥордубуппутун олохтоохтор олус сэҥээрдилэр.

Ырыаһыттарынан биллибит уус-алданнар ырыанан айхаллаатылар, саламааттаах-алаадьынан айах тутан күндүлээтилэр. Араас көрүҥҥэ маастар-кылаастары ыыттыбыт, санаа үллэһиннибит. Рожина Саргылана Семеновна салайааччылаах “Кустук”студия уруһуйдьуттарыгар, Бороҕон ыалдьытымсах дьонугар махтанабыт.