ХИФУ өттүттэн проректордар Афанасий Саввин уонна Герасим Павлов кытыннылар. Көрсүһүү кэмигэр сүрүн боппуруоһунан хампаанньа федеральнай университеты кытта бииргэ үлэлээһинин кэккэ киэҥ тиэмэтэ таарылынна. PricewaterhouseCoopers аудит эйгэтигэр идэтийбит өҥөнү оҥорууга аан дойдуга бастакы миэстэҕэ турар хампаанньа. Хампаанньа 2012 сыллаахха 31,5 миллиард доллардаах үбү эргиппит.

Елизавета Филиппова стажировка сүрүн ирдэбилинэн английскай тылы билии, бухгалтерскай учуокка, логикаҕа уонна чыыһылалар массивтарыгар тесты туттарыы буолаллар диэн чорботон бэлиэтээтэ.

«Биһиги хампаанньабыт сир үрдүгэр 158 дойдуга үлэлиир, 180 000 тахса үлэһиттээх. Үлэһиттэрбитин харыстыыбыт уонна кинилэри университеттан талабыт. Идэҕэ хайысхаланыы үлэтэ 4-с курстан саҕаланар, ол эрээри үлэһиттэри 5-с курстан ылабыт, – диир генеральнай директор Елизавета Филиппова. – Стажировканы таһынан, биһиги хампаанньабыт социальнай аналлаах. Биһиэхэ кэлэн дьон үлэ уопутун эрэ ылар буолбатахтар, кинилэр аан дойдутааҕы ACCA квалификациятын экзаменын туттарар кыахтаналлар. Россияҕа 25 сыл үлэлээбиппит тухары биһиги хампаанньа суотугар итинник үлэни ыытан кэллибит».

Быһаарыы: PricewaterhouseCoopers (PwС) — сир үрдүгэр консалтинг уонна аудит эйгэтигэр идэтийбит өҥөнү оҥорор бөдөҥ аан дойдутааҕы хампаанньалар ситимнэрэ. Хампаанньа 160 сыл тухары үлэлиир уонна аудиторскай хампаанньалар Улахан Түөртэрин иһигэр киирсэр. Ситим штаб-квартирата Лондоҥҥа баар.