Тутар этэрээт байыастара сири-уоту ыраастыахтара, эргэ тутуулары көтүрүөхтэрэ, олбуордары кырааскалыахтара, сорохтор тутууга кыттыахтара. Студеннар куораттарыгар уопсай дьиэлэри өрөмүөннүөхтэрэ. Байыастар аһылыгынан, үлэлиир анал таҥаһынан хааччылаллар.

Табаҕаҕа үлэлиир этэрээт хамандыыра Айсен Старостин: «Этэрээт 36 байыастаах, итинтэн 15 кыыс. Былырыын тутуу этэрээтигэр үлэлээбитим. Ону наһаа сөбүлээбитим, үлэ бүтүүтэ биһиги этэрээппит быстыҥынан ааттаммыта. Манна үлэ ким уйанын, хатанын тургутар. Былырыын Хатаска үлэбит чэпчэкитэ суох этэ, ол эрээри хамаандаҕа үлэлээһин элбэххэ үөрэппитэ. Ол түмүгэр кыайтарбаты да кыайбыппыт, сатаабаппытын да сатаабыппыт», - диэтэ.

Нэһилиэктэргэ үлэлии барар этэрээти хомуйаллар, ол иһигэр Аллайыахаҕа үлэлии барар этэрээт. Ыйытыктаах дьон Ленин проспегын 4/2, 504 кабинекка билсиэххитин сөп.