Саха сирин баһылыгын э.т.  Егор Борисов былырыыҥҥы ыҥырыытынан делегация Саха сиригэр кэллэ. Делегация састаабыгар тутуу, гостиница, икки баан уонна Turkish Airlines авиакомпания бэрэстэбиитэллэрэ бааллар. Ыалдьыттарга Дьокуускайга базальт композитын оҥорууга үрдүк технологиялаах комплекс, Дьокуускай 2,4,17 кыбаарталларын тутуу кэлимсэ комлексын, Дьокуускайга ИТ үрдүк технология пааркатын тэрийии, уо.д.а. бырайыактары көрдөрдүлэр.

Россия уонна Турция предпринимателлэрин ассоциациятын сэкэритээрэ Владимир Солоцинскай эппитинэн, Москва, Санкт-Петербург куораттарга Турция предпринимателлэрэ көхтөөхтүк үлэлииллэр.  «Быйыл үлэбит хабар иэнин кэҥэтиэхпитин баҕарабыт. Ол курдук Россия регионнарын кытта ыкса үлэлиэхпит. Оттон Саха сирэ — Россия саамай бөдөҥ уонна улахан кыахтаах региона», – диэтэ Солоницкай.

«Саха сирэ экономическай өттүнэн бэйэтигэр тардар ураты күүстээх. Ону таһынан ТЮРКСОЙ уопсастыбаҕа кэтээн көрөөччү. Турция уонна Саха сирэ хардарыта дьайсыылаах уонна өрө тахсыылаах үлэлэригэр биһиги сырыыбыт акылааты ууруоҕа», - диэтэ Аднан Сезгин.

Делегация бүгүн тутуу уонна тырааныспар министиэристибэлэригэр сылдьыаҕа. Республика баһылыгын э.т. Турция республикатын боломуочуйалаах бэрэстэбиитэлин кытта көрсүөҕэ.