Егор Борисов республика сиригэр-уотугар оҥорон таһаарыы тэриллиэхтээҕин уонна Азия-Чуумпу акыйаан дойдуларыгар атыыланыахтааҕын туһунан эттэ. Ону таһынан тутууга, гостиница, туризм эйгэлэригэр хардарыта дьайсыылаах үлэ тэриллиэхтээҕин, сир баайын туһаҕа таһаарыыга Турция хапытаалын тардыы, о.д.а. тустарынан Борисов эттэ.

Кини ыалдьыттарга республика сирин-уотун, айылҕатын, климатын, уратытын уонна экономикаҕа көрдөрүүтүн кытта билиһиннэрдэ. Регион ис валовай бородууктата быһа холуйан, 19 млрд. долларга тэҥин, инвестицияттан сылга 6-7 млрд. солк киирэрин, онон Саха сирэ улахан кэскиллээҕин, инникилээҕин кини эттэ.

РФ тас дойду дьыалаларыгар министиэристибэтин өйөбүлүнэн республика атын государстволары кытта дьыалабыай сибээһи олохтообутун, Россия уонна Турция икки ардыларыгар үтүө сыһыан үөскээбитин Е.Борисов эттэ уонна  Айдын Сезгиҥҥа махтанна.