Саха Республикатын правительствотын бэрэссэдээтэлин солбуйаачы Петр Алексеев бэҕэһээ «ЧЖОДА инвестиционнай хампаанньата» фирма салалтатын, генеральнай директорын Ян Чжаньфуну уонна маркетиҥҥа директорын Владимир Беляковы кытта көрүстэ.

Дьыалабыайдык ааспыт көрсүһүүгэ Кытай хапытаалын бырайыактарын Саха сиригэр инвестициялыыр туһунан боппуруостары кэпсэттилэр.

Онно промышленнай тутуу туһунан эрэ кэпсэппэтилэр. Кытай хампаанньата Дьокуускайга тутуу ыытар санаалаах. Бастакы сомоҕо эбийиэгинэн республика киин куоратыгар гостиницалар ситимнэрин тутуу бырайыага көрүлүннэ.

Республика президенин уонна правительствотын Администрациятыттан иһитиннэрэллэринэн, тэрээһиҥҥэ республика федеративнай сыһыаннаһыыларга уонна тас сибээстэргэ миниистирэ Валерий Максимов уонна СР-гар КНР бэрэстэбиитэлэ Александр Ядреев кыттыыны ыллылар.