Анна Ивановна Кузьминаҕа "Кыһыл көмүс мааска" бириэмийэ "Театр искусствотын сайдыытыгар кылаатын иһин" иҥэриллэр. Итинник бириэмийэни ылбыттар ортолоругар — искусство биллиилээх деятеллэрэ Галина Волчек, Марк Захаров, Нина Ургант, Олег Басилашвили уонна да атыттар бааллар.

Санатан эттэххэ, «Кыһыл көмүс мааска» 20-с фестиваль Москваҕа ахсынньы 25-2014сыл муус устар 17 күннэригэр ыытыллыаҕа. 34 конкурстаах номинацияларга лауреаттары наҕараадалааһын 2014 сыл муус устар 18 күнүгэр Улахан театр Россиятааҕы Национальнай театральнай бириэмийэтин туттарыыга буолуоҕа.

Кузьмина Анна Ивановна (03. 03. 1933.) - драма уонна киинэ артыыһа. САССР үтүөлээх артыыстката, РСФСР үтүөлээх артыыстката, Саха Республикатын народнай артыыстката.

Орджоникидзевскай оройуон Нөмүгү нэһилиэгэр төрөөбүтэ. 1955 сыллаахха М.С.Щепкин аатынан Үрдүкү театральнай училище Москатааҕы Саха сирин ССРС Государственнай академическай Аччыгый театрын студиятын "драма уонна киинэ артыыската" идэтин бүтэрбитэ.1955 сыллаахтан П.А. Ойуунускай аатынан Саха академическай театрыгар үлэлиир.

Сүрүн оруоллара: Весна – А. Островскай «Снегурочкатыгар», Г. Фигейредо (Эзоп) «Лиса и виноград» Клея, Ч. Айтматов «Материнское поле» Ийэ сир, «Макбетка» Леди Макбет, – В. Шекспир «Гамлетыгар» Гертруда, Н. Гоголь «Кэргэн кэпсэтиитигэр», Фекла Ивановна, «Таптал» драмаҕа Катерина, А. Софронов «Бүдүрүйбүт көммөтүгэр» Агафья, А. Касон «Деревья умирают стоя» эбээ Эухения, Ивановна – Ф. Буляков «Выходили бабки замуж» драматыгар, Амма Аччыгыйа «Сааскы кэмигэр» Ирина, – С. Ермолаев - Сиэн Өкөр «Тайбаан арыытыгар» Анна, Г. Лорка «Дом Бернарды Альбатыгар» Понсия, В.Васильев- Харысхал «Прости отец, прости» драматыгар эбээ Дуглас уонна да атыттар.

Киинэҕэ оруоллара: В. Семенов режиссердаах «Мотуо», Н. Аржаков режиссердаах «Тайбаан арыы».

«Умнуллубат сулустар» телевизионнай программа бырайыак автора уонна ыытааччыта. 2010 с. Саха театрын маҥнайгы артыыстарын туһунан «Умнуллубат сулустар» кинигэни таһаарбыта.

САССР уонна СР Президенин Үрдүкү Сэбиэтин Грамотатынан наҕараадаламмыта. 2005 сыллаахха «Гражданскай килбиэн» Бэлиэни ылбыта.

Саха АССР VIII-с ыҥырыылаах депутатынан талыллыбыта. Саха Республикатын «Ытык сүбэ» түмсүүтүн чилиэнэ.