Улуу Кыайыыны уһансыбыт ытык ветераннар тустарынан эдэр дьон билэр иэстээхпит диэн санаанан салайтаран, мустубут араас көлүөнэ ыччат хорсун быһыыга сирдээбит, Ийэ дойдуга бэриниилээх, ханнык да ыарахаттартан толлубат, кэннинэн кэхтибэт, хорсун хоодуот санаалаах буолууга ииппит ырыалары ыллаатылар.

Тэрээһин биир үөрүүлээх түгэнинэн сэрии сылларыгар тыылга үлэлээбит, Улуу Кыайыыны уһансыбыт дьоҥҥо РФКП КК олохтообут «Сэрии кэмин оҕолоро» диэн мэтээллэрин туттарыы буолла. Үөһээ Бүлүүгэ «Сэрии кэмин оҕолоро» общественнай хамсааһын быйыл саҥа тэрилиннэ. Салайааччытынан Евгений Васильев ананна. Хамсааһын 10 киһилээх комитета бу күннэргэ сэрии сылын оҕолорун испииһэгин чуолкайдыыр.