СИА-ҕа СР ЫБМС Сүрүн управлениетыттан иһитиннэрбиттэринэн, баһаар туһунан иһитиннэрии олохтоох бириэмэнэн 04.32 чааска киирбит. Баһаар верандалаах биир этээстээх дьиэҕэ буолбут.
Ыҥырыы кэнниттэн 10 мүнүүтэ буолан баран, баһаарынайдар кэлиилэригэр дьиэ аһаҕас уотунан умайа турара үһү.
Баһаар түмүгэр верандалаах дьиэ олоччу умайда. Баһаар уопсай иэнэ - 60 кв.м. Барыллаан быһаарыынан, баһаар уот ситимиттэн барбыт. Буруйдаах уонна уот барыытын төрүөтүн быһаара сылдьаллар.
05.10 ч (олохтоох бириэмэнэн) уоту тохтоттулар, 06.55 ч. - умуллардылар.
Баһаар миэстэтигэр икки киһи өлүгүн буллулар. Кинилэр кимнэрэ быһаарылла сылдьар.
Баһаары умулларыыга 4 техника уонна 19 киһи кытынна.
Уот барбыт сиригэр силиэстийэлиир-суһал бөлөх үлэлиир.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети