Баар дьону лицей 8-с, 6-с, 5-с уонна 4–с кылааһын үөрэнээччилэрин ансамбллара эҕэрдэлээтилэр. Кинилэр бары билэр уонна таптыыр ырыаларын ыллаатылар.  4-с кылаас үөрэнээччитэ Рената Сабирова узбекскай үҥкүүнү толордо. Оттон Алина Михайлова хомуска оонньоон иһитиннэрдэ.

Салла иһэ ытыс тыаһынан ньиргийэн олордо.  Эдэр артыыстар толору киһилээх саалаҕа концертаатылар  - Капитоновкатааҕы интернат-дьиэҕэ билигин кэлээскэлээхтэргэ аналлаах лифт үлэлиир. Онон, урут өскөтүн кулуупка хаамар эрэ дьон сылдьар эбит буоллахтарына, билигин кэлээскэлээхтэр үөрүүгэ-көтүүгэ кыттыстылар.

Капитоновкатааҕы интернат-дьиэ администрацията «Куорат лицейэ» МОБУ директорын иитэр үлэҕэ солбуйааччыта Ирина Скоколоваҕа уонна музыкальнай салайааччы Елена Антипинаҕа махталлара улахан.