Усулуобуйа ирдэбилинэн, бу программа кыттыылаахтара, эдэр учууталлар, ипотечнай кредит 20-нын бастакы харчытын төннөрүллүбэт социальнай төлөбүр быһыытынан ыллылар.

СР үөрэҕин Министерствотын ипотечнай кредитын оҥорууга боломуочуйалаахтарынан «Мособлбанк» Саха сиринээҕи филиала уонна «Сбербанк России» ААО Саха сиринээҕи 8603 №-дээх салаата буоллулар. Эдэр учууталларга бэриллэр ипотечнай кредит бырыһыанын ставката - «Мособлбанк» - 8,5%, Сбербанк – 11,25%.

Программа итини туһынан ороскуот сорох чааһын 2,75%-нын Саха Республикатын государственнай бюджетыттан төлүөҕэ.

Итини таһынан, Пилотнай бырайыактан уратыта диэн, социальнай төлөбүрү тутууга өлүүлэһэн кыттыһыыга, икки ырыынакка дьиэ атыылаһарга сороҕун төлүүргэ, оннооҕор чааһынай дьиэ туттууга туһаныахха сөп.

Сайаапкалары ылыы бастакы кэрдииһэ 2013 сыл кулун тутар 1 күнүттэн муус устар 30 күнүгэр диэри ыытыллыбыта. Программаҕа кыттыыга Дьокуускайга баар государственнай уонна муниципальнай тэрилтэлэр 1 сылтан итэҕэһэ суох алын сүһүөх уопсай, сүрүн уопсай уонна орто (толору) үөрэхтээһиҥҥэ үлэлиир 35 саастарыгар диэри учууталлара киирэллэр.

2013 сыл алтынньы 9 күнүгэр сайаапкалары ылыы сөргүтүллүбүтэ уонна сыл бүтүөр диэри ыытыллар.

Олорор дьиэ сыһыаннаһыыларыгар Департамент иһитиннэрбитинэн, эдэр учууталлартан 162 сайаапка киирбит. Ол иһигэр Дьокуускай куоратта 127, оройуоннартан — 35 киһи кыттыбыт.

Итилэртэн кэмииссийэ көрүүтүгэр толору докумуоннарын 46 киһи киллэрбиттэр, олортон 39-н кытта сөбүлэспиттэр.

Билиҥҥи кэмҥэ 21 эдэп учуутал субсидия ыллылар, диэн УОА общественноһы кытта алтыһыыга Департамена иһитиннэрэр.

«Ипотечное кредитование молодых учителей» программаҕа сайаапкалары «Олорор дьиэ сыһыаннаһыыларын Департамена»: Дзержинскэй уул., 21, 13 каб. ылаллар, тел.: 22-60-18.