Бу сертификатынан ким туһаныан сөбүн туһунан Анаабыр улууһун эдэр ыччаты кытары үлэҕэисписэлииһэ Мария Платонова бу курдук быһаарда:

- «Эдэр ыалы дьиэнэн хааччыйыы» программаҕа 35-гэр диэри саастаах эдэр ыаллар эбэтэр толорута суох оҕолоох дьиэ кэргэн киирсэллэр. Атыылаһыллар эбэтэр тутуллуохтаах дьиэ уопсай сууматын 40%-на государство бюджетыттан субсидия быһыытынан төлөнөр, 60%-нын эдэр ыал бэйэтэ уйунуохтаах. Ол иһин уочаракка турар ыал кредит төлөһөр дохуоттаах буолуохтаах.

Сылын ахсын субсидияны анааһыҥҥа сэттэ киһилээх хамыыһыйа үлэлиир. Субсидия 9 ыйга бэриллэр. Ылбыт ыаллар сыл бүтүөр диэри туһаныахтаахтар. Болдьохпут уһун диэн наҕылыйбакка, сүүрэн-көтөн докумуоннарын оҥорторон, харчыларын ыла охсуохтарын наада. Быйыл 3 ыал кэмигэр дьаһаммакка, хойутаан хааллылар. Ол иһин сыл аайы көрдүүр харчыбыт кээмэйэ аҕыйыы турар. Бэйэҕитин эрэ санаабакка, кэлэр сылга субсидия ылыахтаах ыаллары эмиэ өйдөөн туран, бэриллибити кэмигэр туһаныҥ.