Кэбээйиттэн, Өймөкөөнтөн, Верхоянскайтан, Чурапчыттан, Намтан, Сунтаартан уонна Дьокуускайтан барыта 15 оҕо дойду тэбэр сүрэҕэр сырыттылар. Кинилэри «Дьулуур» Саха Республикатын президенин иһинэн үлэлиир Оҕо биир кэлим хамсааһынын старшай методиһа Ирина Васильева арыаллаата.

Айан кыттыылаахтарын олохторугар бэлиэ түгэнинэн Кремльгэ Ороһооспо елката буолла. Сүүнэ саалаҕа Россия бары регионнарыттан кэлбит оҕолор муһуннулар. Кинилэргэ хас биирдиилэригэр минньигэс бэлэх тигистэ.

Оҕолор өссө Москва мэрията улахан кылаас оҕолоругар анаан ыыппыт дискотекаларын хаһан да умнуохтара суоҕа. Манна Россия эстрадатын сулустарын тыынаахтыы иһиттилэр, өссө сорохтор «Братья Гримм» бөлөх урукку солиһа Константин Бурдаевтыын хаартыскаҕа түстүлэр.

Үс күн устатыгар оҕолор Горькай аатынан пааркаҕа, Измайловскай Кремльгэ, Арбакка уонна араас музейдарга сырыттылар.

2014 сыл Саха сирин уон биэс эдэр лидердэригэр кинилэр телевизорынан эрэ көрөр эбэтэр кинигэҕэ ааҕар сирдэринэн айантан саҕаланна, диэн оҕо хамсааһынын информационнай кииниттэн иһитиннэрдилэр.