Салгыы тыа хаһаайыстыбатын оҥорон таһаарыытын хайдах сайыннарар уонна социальнай боппуруостары быһаарар туһунан Анаабыр оройуонун делегацията тыа хаһаайыстыбатын миниистирэ Иван Слепцовы кытта көрсүһүүгэ дьүүлэстилэр. Бөлөҕү урут аграрнай ведомство үгэс буолбут Хотугу дьарыктарын Департаменын салайбыт муниципальнай тэриллии баһылыга Иван Семенов салайан илдьэ кэллэ.

Кини хаһаайыстыбалары үп өттүнэн тилиннэрии үлэтэ саҕаланыытын кэпсээтэ, Илья Спиридонов аатынан таба иитэр тэрилтэ саҥа директорынСавва Туприны билиһиннэрдэ. Туприн миниистиргэ киин улуустарга балыгы уонна эти илдьэр баҕалааҕын, табаһыттар хамнастарын төлөөһүн систиэмэтин уларытарга, салаа материальнай-техническэй базатын тупсарарга эттэ.

Улуус баһылыга Иван Семенов оройуон администрацията тыа хаһаайыстыбатын муниципальнай бюджеттан кыттыгас үбүлүүргэ быһаарыныы ылыммытын биллэрдэ, уонна нэһилиэнньэ баҕатынан оройуоҥҥа сибиинньэни уонна кууруссаны аҕаларга көрдөстө. Кини ону таһынан Анаабырга хортуоппуйу уонна оҕуруот аһын аҕалыы кээмэйин улаатыннарарга туруоруста, табаһыттар, балыксыттар уонна булчуттар тиийбэттэрин муҥатыйан кэпсээтэ. Итини таһынан, көрсүһүүгэ бөрөлөрү бултааһын, харааллары, табалары өлөрөр пууну тутуу, булуустары өрөмүөннээһин уонна олорор дьиэлэри тутуу, уопсайынан, билигин Арктика олохтоохторун долгутар кыһалҕалары ырыттылар.

Мунньах түмүгүнэн сүрүн аграрий специалистарга Анаабыр улууһун кытта бииргэ үлэлээһин былаанын бэлэмнииргэ сорудахтаата, диэн Минсельхоз пресс-сулууспата иһитиннэрэр.