А.Скрыбыкин ити этиитин республика хоту уонна Арктика улуустарыгар оҕуруот аһын тиэрдиигэ анаммыт мунньахха эттэ. Кини омук дойдуларын уопутун холобур быһыытынан аҕалла.

«Таһаҕаһы тиэйии туох-ханнык иннинэ туһанааччыга табыгастаах буоларыгар дьулуһуохтаахпыт. Таара уларыйыытыгар төһө үп-харчы ороскуоттанарын ааҕыахтаахпыт, ол кэнниттэн куултан дьааһыкка көһүү кэмин быһаарыахтаахпыт», - диэтэ кини.

Тыа хаһаайыстыбатын уонна ас-үөл политикатын миниистирин солубйааччы Сталик Дерягин куултан дьааһыкка көһүүнү быйыл буолбакка, кэлэр сылтан саҕалыыр ордугун эттэ.

Оройуоннарга оҕуруот аһын уурар, хаһаанар эбийиэктэри тутуу саҕаламмытыгар салгыы кини тохтоото: «Өлүөхүмэҕэ, Томпоҕо итинник эбийиэктэр сотору үлэҕэ киириэхтэрэ. Эргэ, атыҥҥа анаммыт тутуулары ити сыалга туһанардааҕар, саҥаны тутуу экономическай өттүнэн барыстааҕын кини эттэ.