Оскуолаҕа, ХИБҮ устудьуоннара, магистраннара уонна аспираннара, ону кытта бэдэрээлинэй үрдүк үөрэх кыһатын рекотын гранын ылбыт дьон кыттыыны ыллылар. “Бырагыраамма сүрүн уратытынан буолар, кини междисциплинарнай характера. Научнай оскуола истээччилэригэр анаан, лиэксийэлэри уонна семинардары хотугу киин үрдүк үөрэҕин уһуйааннара аахтылар-Санкт-Петербуурдааҕы судаарыстыбаннай экэниэмикэ үнстүүтэ, А.И.Герцен аатынан Арассыыйатааҕы судаарыстыбаннай педагогика үнстүүтэ, хотугу сиргэ экэниэмикэни, географияны уонна тылы үөрэтиигэ туһуламмыт боппуруостары көрдүлэр. Научнай оскуола чэрчитинэн, нуучча географическай уопсастыбатын вице-президенын Владимир Разумовскайы кытары уонна Петербурдааҕы Наука Академиятын чилиэнин Григорий Двасы кытары көрсүһүү буолла”,-диэн оскуола координатора Дмитрий Осипов кэпсээтэ.

“Петербуурдааҕы үрдүк үөрэх кыһатын тутаах бырапыассардарын лиэксийэтин таһынан, научнай-култуурунай бырагыраамманы аастыбыт. Биһиги сүрүн кэрэхсэбиллээх уонна өйдөтөр сирдэргэ-Антрактика уонна Артика судаарыстыбаннай музейыгар, Арассыыйатааҕы этнографическай музейга, “Царское-село” судаарыстыбаннай музей-заповедникка, Б.Н.Ельцин аатынан Бэрэсидьиэн библиотекатыгар, Кунскамераҕа уо.д.а сиргэ сырыттыбыт”,-диэн оскуола кыттыылааҕа, ХИБҮ история бакылтыатын үһүс кууруһун устудьуона Дмитрий Николаев санаатын үллэһиннэ.

Кыһыҥҥы оскуола үлэтин Финляндияҕа салҕаабыта. Оскуола истээччилэрэ арктическай чинчийии тутаах кииннэригэр сырыттылар-Лалландия үнүбэрсиэтин Арктическай киинигэр уонна Хельсинки үнүбэрсиэтин Алексантери үнстүүтүгэр.

Автор: Ульяна ЕВСЕЕВА, ХИБҮ сонуннарын эрэдээксийэтэ