Хабырыыс Ондороос
(авангардные ассоциации о так называемом «Февральском заговоре» 1921 года)
- Киһи киэриэскэ тиириллибит,
- Киристиэс – киибэс кэбин кэппит...
- Аҕа Таҥара абарыыта,
- Амтыын Кырыыстыын алтыһыыта...
- Ылааҥытыйбыт ыраас халлаан –
- Ыра санаалар саҕахтара...
- Туймааданы ыйыстыбыт туман –
- Тулхадыйыы былыта...
- Бэс чагда бэрдимсийбит сирэйэ
- Бэдэр кыыл – бэҕэһээҥҥи битэ...
- Хаардаах харыйа хатыытынан
- Хараҕы аалар, ытатар, санатар...
- Кыһын кырыгар кыаттарбатах –
- Кырдьык!.. Көҕөрүмтүйэр лабаа,
- Сулус уонна күн суурадаһына,
- Суор уонна сур бөрө суо суола...
- Кыраһа кыычырҕыы ытыыра,
- Кылыс кыыныттан кылбачыйара...
- Хаарга хам хаппыт хахай хаана –
- Хаалбыт хаһыы, хамнаабатах халаан...
- Кириэһэ суох киһи чардаата...
- Кистэммит киэптээх кэриэстэбил...
- Урусхалламмыт ураһалар,
- Умнуллубут уҥуохтар... Утум!?
Стиль и орфография автора сохранены.
Мнение автора может не совпадать с мнением редакции.
Мнение автора может не совпадать с мнением редакции.
Комментарии
Авторизация на сайте через социальные сети