ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Бэйиэттэр

6 февраля 2015, 15:09
Үүммүт Литература сылынан хас нэдиэлэ ахсын биирдии хоһоону таһаарарга сананным. Бу тизер диэн ааттанар сиргэ хоһоонум ис хоһоонун сэгэтэр аҕыйах тыллары кыбытар буолуоҕум. Бастакы "Бэйиэттэр" диэн хоһоону ыраас мууска ылбакка, үгэргээһин былаастаах ылынаргытыгар сүбэлиибин...

Бэйиэттэр

Бэйдиэ ыттан саҕалаан

Бэдэрээччиттэргэ,

Бэргэһэ тигээччилэргэ,

Бэргэн ытааччыларга,

Бэрэдэбиэстэргэ тиийэ доҕордоһор

Биир

Биһирэмнээх дьоҕурдаахтар...

 

Ап тыллаахтар

Атастара –

Аан аһааччылар,

Атыыһыттар,

Акаарылар,

Аламай күнү чинчийээччилэр,

Аалы уһуннара оонньуур

Албыннар-көлдьүннэр,

Аартык аайы ампаалыктаһар

Арыгыһыттар,

Аанньаллар уонна абааһылар –

Ааҕан ситтэрбэт эгэлгэ

Араас идэҕэ

Алкыйтарбыттар...

 

Хоһоонньуттар

Хоноһолоруттан

Хой баһа тойугу,

Хойох хостуур тыллары,

Хотой тааһа кистэммит очуоһун,

Хомуһун күүһүн

Куйуурдаан таһаарарга

Кудай халлаантан

Куорсун астаран түспүт

Иэдэннээх

Идэлээхтэр бадахтаах...

 

Олох

Ороһуоллаах остуола

Үтүө уонна мөкү,

Үрүҥ уонна хара

Үгүс даҕаны дьону

Бэйиэттэргэ

Бэлэхтиир.

 

Бэйиэттэр

Бэйэлэрин идэлэрин сэргэ,

Бэрт элбэҕи

Бэриэт билэргэ дьулуһар

Биир дьикти

                     дьоҕурдаахтар...

Просмотров: 4879 Комментариев: 0 Автор: Хабырыыс Ондороос
Стиль и орфография автора сохранены.
Мнение автора может не совпадать с мнением редакции.

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ