Биһигини,
Кырдьык кыһыл көмүһүгэр
Куппутун туттарбыттары,
Көҥүл көйөргө кымыһын
Утахпытын ханнара
Уймахтаабыттары!
Буулаҕа буурҕалар
Бултаспыттара,
Этиттэриилээх этиҥнэр
Эппитин-сииммитин
Эпчиргэлээбиттэрэ...
Ытыран ыла-ыла,
Ытаппытынан
Ыт-кус аһылыга
Оҥорбуттара,
Олохпутун огдолуппуттара,
Сүнньүөхтээх буулдьанан
Сүрэхпитин
Тобулута сүүрдүбүттэрэ,
Тобуктата сатаабыттара...
Иилиир иһирик тыабытын
Ибили ныһыйбыттара,
Батыспыт бар дьоммутун
Бастарын бысталаабыттара –
Соҕотохсуйуу соругар,
Тулаайахсыйыы туругар
Туомтуу баайбыттара!!!
Күннэр-дьыллар
Күлүмүрдүү умайан
Күдэн буолан көппүттэрэ –
Ээхпитин эппэккэ
Эрэйи-буруйу
Эҥэрбитинэн тэлбиттэр
Элбэх бэйэбит
Уон тарбах иһинэн ордон
Уруйдаһа турбуппут!..
...Самныбатах санаалаахтар,
Сөһүргэстээбэтэх сүргэлээхтэр –
Кырдьык иһинйй
Кырыктаахтык кыргыспыттар,
Көҥүл иһин
Көмүөлү нөҥүөлээбиттэр
Биһиги этибит!..
Мнение автора может не совпадать с мнением редакции.
Комментарии
Авторизация на сайте через социальные сети