ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Күннээҕи күлүмүрдэскэ умсугуйбут уолан тойуга

29 марта 2015, 21:17
Аныгы ыччат үйэтэ суох күннээҕигэ, таһа күлүмүрдүүр иһэ көҥдөйгө, албын дьолго, чэпчэки сыһыаҥҥа охтон эрэрэ кистэл буолбатах...

Кустук курдук ситтэрбэккэ

Куотар

Куолаах,

Түүҥҥү уоттаах, көрдөөх

Түһүлгэлэр

Холоруктуу ытыллар олохторун

Хоруоллара – доҕотторум –

Эрбэх үрдүгэр сэттэтэ эргийэр

Эр бэртэрэ

Эҥинэ бэйэлээх сүүрээннэрин,

Эгэлгэ

Эйгэлэрин ортотугар

Эпчиргэ буолан көтөн түспүтүм!

 

Түүҥҥү түрбүөн,

Түлүк ууну аймыыр

Түһүү-тахсыы сүпсүлгэнэ,

Күлүмүрдэс уоттар,

Күлбүт-үөрбүт

Күндү куолар,

Күүстээх тыллаах уоланнар –

Дьэбэрэлии оборор

Дьэргэлгэннээх дьикти эйгэ

Тумарыгар симэлийэр

Туйаарыма суола,

Күрүлгэннии кутуллар

Күүһүрдэр утахха умсугуйуу...

 

Куйаар

Кураанахсыйбыт уорҕатыгар сатарыыр

Кутуруу,

Атын,

Араас

Абылаҥнаах тыаска-ууска,

Алҕас

Айыллыбыт айылҕаҕа,

Арҕааҥҥы

Архааҥҥа олорсон

Көлүөһэлии кулахачыйар

Көнтөһө суох төлкөҕө

Бас бэринэн

Барсабын –

Батастаах баатырдар сыдьааннара...

 

Буулаҕа куйахпын устан,

Буорга-

Сиргэ тэпсэбин

Сиэрдээх майгыбын...

Просмотров: 1525 Комментариев: 1 Автор: Хабырыыс Ондороос
Стиль и орфография автора сохранены.
Мнение автора может не совпадать с мнением редакции.

Комментарии Добавить комментарий

Чокуур Гаврильев 3 апреля 2015, 11:37 Ответить
0
Атын албын эйгэҕэ Атаарыллан, Итэҕэйиллибэт Интернеккэ Иирэн хаалан, Көҥдөй көхсүлээх Көкөттөрү өссө суруй.. Виртуальнай эйгэҕэ Вирустаммытттары..., - )
Вы не можете оставить комментарий, пока не войдете в систему. Вход / Регистрация
Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ