ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Хабырыыс Ондороос

Аныгы саха аман өһө

30 сентября 2014, 11:30
Сегодня в газете "Эдэр саас" вышла новая подборка стихов!

Кыым саҕыллыаҕыттан ыла кырыыска умса этиллибит

Кырыктаах кырдьыктаах,

Ардыгар эрэ алгыска бигэммит

Аан дайды айыллыбытын туһунан

Амарах санааҕа иэҕэр албын номохтору

Аахайбаппын,

Икки атаҕы

Илэ да, түүлгэ да иллээх олоххо

Иэҕэ – угуйа, үүрэ сатыыр

Иирээки сирдьиттэргэ итэҕэйбэппин...

 

Хас хардыы, хамсаныы, хабырыныы барыта

Хаһан эрэ

Хаанынан харданы ирдиир

Хабыр кырдьыгар

Хайыы-үйэ үөрэнэн

Хааным хамсаабат буолбут эбит...

 

Хайыта сынньыллыбыт куйахтаах,

Хабарҕатыгар диэри хаан байҕалыгар сөтүөлээбит

Хадаар баатыр өбүгэм

Илэ көстүбэтэр да

Иирээн, ииригирии иччитэ буолан

Икки атаҕы Илбис Хааҥҥа итэҕэйбэтэҕинэ

Имири эстэргэ көнчүөлээбитэ үһү –

Сүһүөхтээх бэйэм сүгүрүйэн,

Сүүспүнэн сири таарыйан

Сөбүлэһэргэ күһэллибиппин...

 

Аан дайдыны арыйар атын кырдьык баарын

Аҕыс уон аҕыс сүһүөх

Албаҕалаах ойуун-удаҕан аймахтарым тухары

Этиттэрэн билбэтэх,

Эккиритиллэн туран эстэргэ уураахтаммыт

Эр соҕотох Эллэй удьуора

Экчи этэбин, эрэннэрэбин –

Толуга суох тойон буолуохтааҕар

Толунньаҥ да уҥуоҕар тиксэр

Тосту кыаллыбат эбит...

 

Өлбүттэрэ, өстөрө өһүллүбүтэ

Өр үйэ буолбут өбүгэлэрим

Төлкөлөрүн төркүттээн баран

Төлөспөтөх

Түҥ былыргы иэстэрин түүлбэр киирэн көрдүүр

Түптүр хара таҥаралар

Түктүйэҕэ хаайыллыбыт түүнүктээх эйгэлэригэр

Түүммүн-күммүн таах барыыбын

Түүрк омук түҥкэтэх удьуора –

Туга да суох туундара тумарыгар муммут

Туут хайыһар омоох эрээри, ойдом суола...photoByWidth&id=13130&width=1000

Просмотров: 1507 Комментариев: 0 Автор: Хабырыыс Ондороос
Стиль и орфография автора сохранены.
Мнение автора может не совпадать с мнением редакции.

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ