Хабырыыс Ондороос
Киһи тапталлаҕар сүрэҕин кистэлэҥин арыйара өстөөҕүгэр сэриини биллэрэрдээҕэр сүүс төгүл ыарахан... Ол "улуу муҥу" биһиэхэ арҕаа дойдулартан киирбит Сибэтиэй Балантыын күнэ чэпчэппит эбит. Онон күндү ааҕааччылар, бу аата суох хоһоонунан Тапталга билинэр бастакы хардыыгытын оҥоруҥ биитэр, тапталлааххытын эҕэрдэлээҥ!
Куо!
Куотуох!..
Сиэттиһэн...
Ситтэрбэт кустуктуу...
Сирдээх халлаан силлиһэр,
Санаа да
Самнан тиийэр ырааҕыгар!
Эн биһи...
Этиһэ,
Эйэлэһэ айаннаабыт
Эндирдээх,
Эмпэрэни кырыытынан кыйар
Элбэх далаһаларбытын,
Кэннибититтэн саппай уопсар,
Кэриим тыал
Кэрдэн иһиэҕэ!
Тургуппакка да эрэ эн биһиккини
Туомтуу баайартан батынар
Тулхадыйыа суох төлкөттөн
Күн киириэн иннинэ, субу билигин,
Күрүөх,
Күөх саҕах кэтэҕэр,
Айааһана илик
Атыырдар хаҥыл арҕастарыгар хатанан!
...Куотуох даа,
Кубачааныам
Кустуктуу ситтэрбэккэ!..
Күрүөх дуу,
Күндүчээниэм
Күрүөттэн-хаһааттан иҥнибэккэ...
Стиль и орфография автора сохранены.
Мнение автора может не совпадать с мнением редакции.
Мнение автора может не совпадать с мнением редакции.
Комментарии
Авторизация на сайте через социальные сети