Петр Павлов
Дьэ, өр күүппүт күрэхтэһиибит - көҥүл тустууга Россия чемпионата Каспийскайга ыытыллан түмүктэннэ. Саха сирин сүүмэрдэммит хамаандата биир кыһыл көмүс мэтээллээх дойдутугар эргилиннэ. Көһүтүллүбүтүн курдук, ол үрдүк наҕарааданы хамаанда тумус туттар киһитэ – аан дойду икки төгүллээх чемпиона, спорт үтүөлээх маастара Виктор Лебедев аҕалла.
Бу кыайыытынан уонна уопсайынан атын да хапсыһыыларыттан сыаналаатахха, Виктор Лебедев тустар маастарыстыбатынан утарсааччыларыттан биир төбөнөн үрдүк кэрдиискэ турар эбит. Өскөтүн Красноярскайга 59 киилэҕэ араас албастары туттан, чэпчэкитик, сэргэхтик тустубут эбит буоллаҕына, Каспийскайга 57 кг ыйааһыҥҥа баай уопутун, мындыр маастарыстыбатын, халбаҥнаабат кытаанах характерын уонна киһи сөҕүөх, ханнык да уустук түгэҥҥэ холкутун, уолуһуйбатын көрдөрдө. Онон дьиҥнээх, улахан кылаастаах маастар буоларын өссө төгүл итэҕэттэ.
Уолбут бэйэтин ыйааһыныгар дойдуга бастыҥ бөҕөс буоларын дакаастаабытынан, Европейскай оонньууларга буолбакка, балаҕан ыйыгар аан дойду чемпионатыгар барыан наада. Ону республика салалтата, тустууга федерацията, спорка министерствота туруорсаллара эрэйиллэр.
Эһиги болҕомтоҕутугар Дагестантан доҕорум, биир идэлээҕим, Wrestdag ru салайааччыта Мурад Канаев – Виктор Лебедевкэ сыһыаннаан ыыппыт хаартыскаларын билиһиннэрэбин. Хаартыскалар автордара – Магомед Хазамов.
Стиль и орфография автора сохранены.
Мнение автора может не совпадать с мнением редакции.
Мнение автора может не совпадать с мнением редакции.
Комментарии
Авторизация на сайте через социальные сети