ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Көҥүл тустуу иккис күнүгэр...

11 сентября 2015, 15:50
Көҥүл тустууга аан дойду чемпионатын иккис күнүгэр күрэхтэһии үс ыйааһыҥҥа – 61, 86 уонна 97 киилэлээхтэргэ ыытыллар. Бу күн саха бөҕөстөрө суохтар. Ол да буоллар, чемпионакка болҕомтобут сымсаабат.

photoByWidth&id=44143&width=1000

61 киилэҕэ аҕыйах кыттааччы киирбитэ соһутар, 23-лэр эрэ. Үөһээ бөлөххө - 8, оттон аллараа – 15 кыттааччы баар. Үгэс быһыытынан, аллараа бөлөх састааба күүстээх курдук көстөр. Уопсайынан, икки ыйааһын кэнниттэн көрдөххө, аан дойду былырыыҥҥы чемпионнарын бастакы бөлөхтөргө укпуттар. Азербайджанец Хаджи Алиевка өссө Европа эдэрдэргэ чемпиона Франгулян (Армения), аан дойду чемпионатын призера Дубов (Болгария) бааллар. 

Оттон иккис бөлөххө Россия чемпиона Александр Богомоевы кытта Европа чемпионатын икки төгүллээх призера Шуптар (Украина), аан дойду кубогын кыайыылааҕа Эхсанпур (Иран), аан дойду чемпионатын призердара Балрадж (Индия), Ниязбеков (Казахстан), Европа оонньууларын иккис миэстэлээҕэ Ломтадзе (Грузия) уонна американец Хэмфри бааллар. Богомоев маҥнай канадец Асселстейны кытта тустар. Манна кыайдаҕына Шуптар-Эхсанпур паараларын кыайыылааҕар тахсыаҕа. Ону ааһар түгэнигэр турок Акташка түбэһиэн сөп.

Бу ыйааһыҥҥа билгэлээһин быһыытынан эттэххэ, финал аҥарыгар Дубов-Алиев, Богомоев-Хэмфри көрсүөхтэрэ дии саныыбын.

86 киилэҕэ 43-үһүөлэр. Аан дойду чемпиона Абдулрашид Садулаев иккис бөлөххө киирбит. Кини бастаан японец Мацумотоны кытта тустар. Салгыы сэрэбиэй быһыытынан чех Хотаһы, монгол Оргодолу, болгар Ганев уонна “испанец” Фриев пааратын кыайыылааҕын, оттон финалга тахсар иһин киирсиигэ иранец Каримины кытта тустара күүтүллэр. Бу бөлөххө өссө аан дойду чемпионатын призера венгр Вереб, Европа оонньууларын призера молдован Янулов, аан дойду экс-чемпиона Алдатов (Украина), Универсиада чемпиона Георгита (Румыния) бааллар.

Оттон үөһэ бөлөххө күүстээхтэртэн турок Селимы, американец Херберты, кубинец Салаһы , белорус Гуштыны уо.д.а. ааттыахха сөп. Мин санаабар, бу ыйааһыҥҥа сэрэбиэй күүстээхтэри сөпкө аттаран туруорбут. Бөлөхтөр састааптара тэҥ сыһа. Манна син эмиэ былырыыҥҥытын курдук, Салас-Садулаев финаллыыллара буолуо.

97 кг ыйааһыҥҥа 37 кыттааччы суруйтарбыт. Аан дойду чемпиона Абдусалам Гадисов маҥнай индус Хатрины кытта тустар. Онно кыайдаҕына Германия уонна Болгария бөҕөстөрүн киирсиилэрин кыайыылааҕар тахсыаҕа. Итиэннэ син эмиэ Европа оонньууларыгар курдук, финал чиэппэригэр Хетаг Гозюмовы кытта көрсүөн сөп. Бу бөлөххө биллэр бөҕөстөртөн өссө грузин Одикадзе баар. Онон финалга - Гадисов, Гозюмов, Одикадзе киирсиилэрин кыайыылааҕа тахсыа диэн сабаҕалыыбын.

Оттон иккис бөлөххө американец Снайдер, украинец Олейник, Мусаев (Кыргызстан), кубинец Кортина, иранец Тахан курдук күүстээхтэр бааллар. Манна биир бэйэм Снайдер-Олейник пааратын кыайыылааҕа финалга тахсыа дии саныыбын.

Чэ, этэргэ дылы биһиги сабаҕалыыбыт, оттон түһүлгэ тойоно күүстээхтэри бэйэтэ талан таһаарар. Көрөн иһиэхпит.        

PS: Cэргэхситэ таарыйа чемпионат интэриэһинэй хаартыскаларын булан кыбытабын.

photoByWidth&id=44130&width=1000Чемпионат чаҕылхай түгэннэрин үйэтитээччилэр - фотографтар.

photoByWidth&id=44133&width=1000Билял Махов үһүс миэстэни былдьаһыыга американецтыын тустуута. Аны Маховы сарсын көҥүл тустуу күрэхтэһиитигэр көрүөхпүт.

 

photoByWidth&id=44134&width=1000Маннык эмиэ буолааччы. Пьедесталга гректии-римнии тустуу 85 киилэҕэ бастыҥнара. Украинаттан африканец (ортоку) уонна уҥа - икки иранец (биирдэрэ Азербайджантан) тураллар.

photoByWidth&id=44135&width=1000Иран сүүмэрдэммит хамаандатын састааба.

photoByWidth&id=44136&width=1000АХШ сүүмэрдэммит хамаандатын састааба.

photoByWidth&id=44137&width=1000Олимпиада үс төгүллээх чемпиона Саори Йошида аан дойду чемпионатыгар 13-с төгүлүн бастаата.

photoByWidth&id=44142&width=1000Оо, арай Александр болгары бу атахтаан баран очко ылбыта эбитэ буоллар...

Просмотров: 1143 Комментариев: 4 Автор: Петр Павлов
Стиль и орфография автора сохранены.
Мнение автора может не совпадать с мнением редакции.

Комментарии Добавить комментарий

Петр Павлов 12 сентября 2015, 03:20 Ответить
1
Дьэ доготтоор соьуччу тумуктэр салганан бара тураллар. Туерт кебуерунэн сытыы хапсыьыылар ыытылла тураллар. Киьи эрэ барыта эрэммит бегестере иранец Эхсанпур - Шуптарга (Украина) ыраастык, индус Балрадж - Батболдка (Монголия) 0:10, американец Херберт - Аминашвилига (Грузия) 1:6, кубинец Салас - Себаллоска (Венесуэла) 4:4 ахсааннарынан бастакы эргииргэ хоттортоон кэбистилэр. Онон чемпионат соьуччу кердеруулэрэ салганаллар. Аны россияннар Богомоев-Шуптары, Садулаев-Радченконы (Израиль) киирсиилэрин кэтэьэбит.
Вы не можете оставить комментарий, пока не войдете в систему. Вход / Регистрация
Петр Павлов 12 сентября 2015, 05:18 Ответить
0
Финаллар чугаьаатахтарын ахсын тустуу тынааьыннанан иьэр. Богомоев Шуптарга сатаан аьыллан тустубата. Биир тугэннэ атахтаан баран бэйэтэ утары албаска тубэстэ. Салгыы тустууга ессе биирдэ атахтаата да, бу сырыыга онтукайын сайыннарбата. 3:2 кыайан иьэн олох бутэьик секуундэлэргэ кебуер таьыгар икки баалга бырахтаран, хотторуулаах тагыста. Бу ыйааьынна куустээхтэр дьэнкэрэн эрэллэр. Финалга Алиев уонна Шуптар керсууьуктэр. Атын ыйааьыннары эттэххэ, Садулаев Ганевы, Гадисов Гозюмовы кытта тусталлар. Садулаев кыайарыгар эрэл улахан буоллагына, Гадисов бу сырыыга дьэ хайаьар? Ити ыйааьын атын белехтеругэр турок Селим Яшар, американец Кайл Снайдер учугэй тустууну кердере сылдьаллар.
Вы не можете оставить комментарий, пока не войдете в систему. Вход / Регистрация
Петр Павлов 12 сентября 2015, 06:40 Ответить
0
Дьэ онон бугун финалга тагыстылар: 61 кг Хаджи Алиев (Азербайджан) - Номин Батболд (Монголия), 86 кг Селим Яшар-Колой Кортоев (Турция) - Абдулрашид Садулаев (Россия), 97 кг Абдусалам Гадисов (Россия) - Кайл Снайдер (АХШ). Билигин уьус миэстэни кимнээх ылыахтарын септеегун быьаарса сылдьаллар. 61 кг биир боруонсаны Хаджи Алиевка хотторбут болгар Дубов уонна японец Камой былдьаьар буоллулар.
Вы не можете оставить комментарий, пока не войдете в систему. Вход / Регистрация
Петр Павлов 12 сентября 2015, 10:22 Ответить
0
Богомоев табыллыбата. Дьиҥэ лидер этэ. Ол гынан баран аклиматизацияны кыайан ааспата дуу дии санаатым. Шуптардыын хайдах эрэ уота-күөһэ суохтук туһунна. Оттон Шуптарбыт күүстээхтэри туоратан баран сылайан хаалла быһыылаах. Финаллар тустарынан эттэххэ, Садулаев олох массыына, кини кыайарыгар эрэллээхпин. Ол оннугар Алиев-Номин уонна Гадисов-Снайдер киирсиилэрэ эрийсиилээх буолуохтаахтар. Снайдер куражка киирдэ уонна американецтар бары кинини араастаан бастата сатыахтара. Эдэр уол кыаҕа да бэрт.
Вы не можете оставить комментарий, пока не войдете в систему. Вход / Регистрация
Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ