Бастакы маннык кинигэни 2007 сыллаахха Норуоттар доҕордоһууларын музейа бэлэмнээн таһаарбыта. Кинигэҕэ Ньурбаттан, Дьэкимдэттэн, Дьаархаантан, Чаппандаттан Антоновкаттан, Күндээдэттэн, Малдьаҕартан 23 бэтэрээн уонна 8 сэрии оҕолоруттан ахтыылар түмүллэн киирбиттэрэ. Сэрии сылларынааҕы Марха нэһилиэгин (Өгөлдьө) архыыбын дааннайдара туһаныллыбыттара.

Бастакы кинигэҕэ киирбэккэ хаалбыттартан иһитиннэриилэри, ахтыылары хомуйаллар. Сэрии сылларыгар тыылга үлэ туһунан төһө кыалларынан толору матырыйаал: өҥнөөх уонна өҥө суох хаартыскалары, ахтыылары, наҕараадалар испииһэктэрин, суруктары, ити сылларга сыһыаннаах докумуоннары хомуйар сорук турар. Хас биирдии нэһилиэккэ бу иһин иһитиннэриилэри хомуйар эппиэтинэстээх дьон ананнылар. Киирбит матырыйааллар электроннай барыйааннарын оройуон дьаһалтатын пресс-сулууспатыгар (208 каб) эбэтэр amnr2014@mail.ru (Норуоттар доҕордоһууларын музейыгар) ыытаргытын күүтэллэр.