«Ойуурга бүгүн балаһыанньа хайдаҕын туһунан толору өйдөбүл суох», - диэн кини ыксаллаах быһыыга-майгыга республикатааҕы хамыыһыйа мунньаҕар эттэ.

Кини этэринэн, федеральнай киинтэн кэлэр үптэн-харчыттан сылтаан баһаарынай-химическэй станцияларынан хааччыйыыга, авиапатрульга о.д.а. кэккэ кыһалҕалар үөскээбиттэр. Ойуур баһаара хойутаан биллэриттэн аһара киэҥник тарҕанарын кини эттэ.

Республика бюджетыттан көрүллэр үп-харчы ситэтэ суоҕун, манна миллиардынан суума наадатын кини ыйда. «Бу — федеральнай таһымнаах проблема», - диэн кини эбэн этэр.

Бу сылга федеральнай бюджеттан ойуур фондатын харыстааһыҥҥа 330 мөл. солк. көрүллэр. Оттон республика сирин-уотун 80 бырыһыана - ойуур.

2013 сылга 390 ойуур баһаара уопсайа 813 тыһ.га сири хаппыта.