Санатан эттэххэ, муус устар 27 күнүгэр ГАИ патрула маҥан джибы тохтоппута, ол уруулугар Госнаркоконтроль биир салаатын салайааччыта полковник Владимир Левчаков олорбут, сабаҕалааһын быһыытынан –итирик туруктаах эбит. Уонна, сабаҕалаан этиинэн, СКСБГИ үлэһиттэрин массыынатыгар «спайс» диэн оттон оҥоһуллубут эттиги бырахпыт. Ити кэнниттэн дьыала ИДьМ бэйэҕэ куттал суох буолуутун салаатыгар бэриллибит.

Бу айдаан кэнниттэн, ыам ыйын 8 күнүгэр наркотигы сокуоннайа суох эргитии утары салаа үлэһиттэрэ «Спайс» элбэх саппааһын илдьэ сылдьар «Тойота-Виш» суоппарын туппуттар, ол киһи Хотугу-илиннээҕи транспорт линейнай управлениетын үлэһитэ, 32 саастаах полиция прапорщига Руслан Войтушенко буолан биэрбит.

Норуокка маннык түгэннэри "ведомстволар икки ардыларынааҕы сэриинэн" ааттыыллар.

Бэлиэтээн эттэххэ, пресс-конференция кэмигэр СР ИДьМ салайааччыта Виктор Кошелев, бэйэтин министерствотын иһигэр ханнык да утарсыылары тулуйбатын туһунан чопчутук эппитэ. Оттон тойон Левчаков туһунан министр БКЭ-ҕэ ол киһи итиригэ харахха көстө сылдьарын эппитэ.

«Полиция үлэһитэ сокуон уонна норуот туһугар сулууспалыахтаах. Биһиги дьону социальнай таһымынан араарыа суохтаахпыт. Суолга сокуону бары тэҥник тутуһуохтаахпыт. Полиция үлэһиттэрэ министр Куркутов уонна полковник Левчаков курдук түгэннэргэ бэйэлэрин соруктарын чиэһинэйдик уонна үтүө суобастаахтык толорбуттара. Мин министрим тухары – биһиэхэ тыытыллыбаттар суох буолуохтара », - диэтэ Виктор Кошелев.