Тыа хаһаайыстыбатын миниистирин солбуйааччы Николай Афанасьев уонна «Кириэстээх» (Сунтаар улууһа) тыа хаһаайыстыбатын бородууксуйатын оҥорон таһаарар кооператив салайааччыта Владимир Евсеев Калмыкияҕа ыытыллыбыт РФ тыатын хаһаайыстыбатын мунньаҕар сылдьыбыттара.

Хаһаайыстыба салайааччыта «Росагролизинг» систиэмэтин нөҥүө 300 төбө сүөһүнү талан ылбыта. Былырыын бу эт боруода сүөһү Саха сиригэр этэҥҥэ кыстаабытын, үчүгэй төрүөҕү биэрбитин туһунан эттэ. Маннык эт боруода сүөһүнү Хаҥаласка, Үөһээ Бүлүүгэ, уопсайа 400 төбөнү аҕалбыттара.

Россияҕа эт боруоданы кэҥэтиигэ Калмык сүөһүлэрэ баһылыыр-көһүлүүр миэстэни ылаллар. Дойду 20 регионугар маннык боруоданы туталлара биллэр. Эт боруодалаах сүөһү биһиги тыйыс климаппытын уйар дьоҕурдаах.