Саҥа төрөөбүттэртэн аҥардарыттан ордуктара (226) оройуон киинигэр, 22-лэрэ Тойбохого,  15-тии –  Кэмпэндээйигэ уонна Элгээйигэ, 14 – Сиэйэҕэ күн сирин көрбүттэр. Салгыы: Бүлүүчээҥҥэ, Күндээйэҕэ –  12-лии; Бордоҥҥо, Кутанаҕа, Түбэй-Дьаархаҥҥа – 11-дии; Дьаархаҥҥа – 10; Аллаҥаҕа, Устьеҕа, Хадаҥҥа – 9-туу; Уһун-Күөлгэ, Кириэстээххэ –  8-тыы; Куокунуга – 6-лыы; Илимнииргэ, Маар-Күөлгэ, Туойдаахха–  4-түү; Күүкэйгэ, Түбэйгэ – 3-түү; Наахараҕа, Толооҥҥо –  биирдии оҕо эбилиннилэр. Тэҥкэ уонна Хоро нэһилиэктэригэр эбиллии суох.

148 оҕо бастакынан,  105 оҕо ыалга иккиһинэн төрөөбүттэр.  3 игирэ баар. Ордук элбэх оҕону (254) 21-тэн 30 -гар диэри саастаах дьахталлар күн сирин көрдөрбүттэр.

Саҥа төрөөбүттэргэ саамай тарҕаммыт ааттар:
- уолаттарга: Эрсан, Айсен, Айтал, Дамир;
-кыргыттарга: Амелия, Виктория, Арина уонна Сандаара.

Саамай сэдэх, ураты ааттар: Яромир, Ян, Эрэл, Эрнест, Юлияна, Юлиана, Эсмаэла, Энесса.