Атлаһы СР Үөрэҕин министерствота, ХИФУ естественнэй наукаларга институтун, оройуон салалтатын, улуустааҕы үөрэх управлениетын бэрэстэбиитэллэрэ биир сүбэнэн бэлэмнээтилэр. Атлас 3000 ахсаанынан бэчээттэммит.

Улууспут символлара: гербэ, былаах, гимн туох суолталаах суруллубуттара, төрөөбүт кыраайбыт сирэ-уота ханан баара картаҕа көрдөрүллүбүт. Улуус былыргы историятыттан саҕалаан туох-ханнык сирдээх-уоттаах, айылҕалаах, климаттаах, дьоно-сэргэтэ туох дьарыктаах, итэҕэллээх, экономикалаах о.д.а. олох бары салааларын көрдөрөр, ханнык биллиилээх дьоннордоох улуус буоларбытын Россияҕа хайа баҕарар муннугар олорор, интэриэһиргиир киһи толору сибидиэнньэни ылар кыахтаах.

Улууспутугар сиртэн хостонор баай, ураты харыстанар, кэрэхсэбиллээх сирдэр, бэлиэ пааматынньыктар тустарынан иһитиннэриилэр, хаартыскалар сиһилии бэриллибиттэр. Итиэннэ улууспут бары нэһилиэктэрин олохторо-дьаһахтара бүүс-бүтүннүү көрдөрүллүбүт. Онон бу атлаһы аахпыт улуус туһунан дааннайдары кытта толору билсэр кыахтаммыт.