- 2014 сыллаахха улуус үрдүнэн 33 лааҕыр үлэлээбитэ. Онно барыта 2135 оҕо сылдьыбыта. Сайыҥҥы сынньалаҥы тэрийиигэ республика бюджетыттан 6 255 тыһ. солк., улуус бюджетыттан 3 500 тыһыынча солк. көрүллүбүтэ. Маныаха үөрэнээччилэр улуус эрэ иһинээҕи лааҕырдарга буолбакка, республикаҕа уонна республика таһынааҕы лааҕырдарга кытары сынньаммыттара.

Быйыл улууска 34 лааҕыры тэрийэн үлэлэтэр былаан баар. Онтон түөрдүгэр оҕолор хоно-өрүү сылдьан сынньаныахтара, билиилэрин-көрүүлэрин хаҥатыахтара, доруобуйаларын чэбдигирдиниэхтэрэ. Маны сэргэ, күнүнэн сылдьыы лааҕырдара, балааккалаах лааҕыр үлэлиэхтэрэ. Күүкэйгэ оһуокайдьыт оҕолору түмэр республикатааҕы лааҕырбыт үлэтин салгыырын кэтэһэээччилэр элбэхтэрэ үөрдэр. Онон лааҕырдарбытыгар 2500 оҕо сылдьара былааннанар, -- диир үөрэх управлениетын эбии үөрэхтээһиҥҥэ уонна оҕону иитиигэ отделын начальнига Надежда Яковлева.

Мунньахха биэдэмистибэлэр икки ардыларынааҕы комитет саҥа састааба уонна балаһыанньата бигэргэтилиннэ. Ону сэргэ, тэрийииттэн саҕалаан ыытыллар үлэҕэ-хамнаскатөһө үп ирдэнэрин быһаардылар, үлэ былаанын көрдүлэр. Хас биирдии эппиэттээх тэрилтэлэр бэйэлэрин хайысхаларынан туох соруктаахтарын иһитиннэрдилэр. Сунтаардааҕы айылҕа харыстабылын инспекцията экологическай лааҕыр үлэтигэр быйыл тугунан көмөлөһүөҕүн, үөрэтэр-чинчийэр, научнай экспедицияларга былаанын билиһиннэрдэ.