2014 сыл ыам ыйын 28 күнүгэр ыксаллаах быһыыны салайар киин диспетчеригэр Амма оройуонугар ардахтан сылтаан суол 152,153,154 км. аһара сымнаан, массыына сырыыта улаханнык харгыстаммытын туһунан иһитиннэрбиттэр. «Амма» суолга массыына мунньуллуута суох. Улуус нэһилиэнньэлээх пууннарыгар аһылык, эмп-томп, уматык 30-60 хонукка диэри тиийэр саппаастаах.

Суолу оҥорууга 17 киһи, «Амгаавтодор» ААО 14 тиэхиньикэтэ үлэлиир. Быһа барыллаан, суол 4-5 суукка иһигэр өрөмүөннэниэҕэ. «Амма» суол 152-154 км учаастактарыгар куттал суох буолуутун туһугар быһааччылар сулууспалара вездеходунан барда.

Бу сиринэн сырыы бобуллар, ону хонтуруоллуур ГИБДД икки пуоһун туруордулар.

Суолу оҥорууга уопсайа 28 киһи, 18 тиэхиньикэ үлэлиир.

Быһа холуйан, 2014 сыл бэс ыйын 3 күнүгэр диэри суолу өрөмүөннүөхтэрэ.