Ол туһунан правительство вице-премьерэ Александр Борисов «Газпром космические системы» салалтатын кытта көрсүһүү кэнниттэн эттэ.

Генеральнай дириэктэр Дмитрий Севастьянов салайааччылаах компания салалтата Саха сиригэр кэллэ. «Кини саҥа спутник хотугулуу-илиҥҥи Халыма улуустарыттан ураты республикаҕа барытыгар дьайыаҕа», - диэтэ кини.

СР правительствота уонна «Газпром космические системы» компания түһэрсибит сөбүлэһиилэринэн Саха сирэ бастаан утаа «Ямал-401» спутникка холбонуоҕа, онтон кэлин атын спутниктарга.

Сибээс уонна информационнай технология республикатааҕы министиэристибэтин салайааччыта Константин Семенов Саха сиригэр спутниковай кыах дуона суоҕун бэлиэтээтэ. «Экспресс АМ3» уонна «Экспресс АМ33», «Экспресс АМ5» билигин үлэлии тураллар. Ол да үрдүнэн, итилэр наадыйыыны барытын хааччыйбаттар.

"Газпром" этиитэ хаачыстыба да, сыана да өттүнэн эргиччи табыгастаах. «Газпром комические системы» генеральнай дириэктэрэ Дмитрий Севастьянов коммерческай сыана 150 тыһыынча мегагерц буолбакка, 105 мегагерцынан быһыллыбыт. «Ямал-401» спутник үлэлээтэҕинэ мегабайт сыаната 0,35-тэн 0,50 солк. диэри буолар», - диэтэ.

Вице-премьер Александр Борисов чопчу сыыппара туһунан этэр билигин эрдэтин ойуччу тутта. «Газпром космические системы» компания уонна СР правительствотын сөбүлэһии үлэни, сыананы, о.д.а. сүрүннүөҕэ. 2015 сылтан ыла хамсааһын тахсан барыаҕын Константин Семенов эттэ. «Ямал-401» кэнниттэн «Ямал-500» уонна «Ямал-600» олоххо киириэхтэрэ», - диэтэ кини.