«Бу республикаҕа төрдүс тутуу. Манна бюджеттан кыра да үп-харчы ороскуоттаммата. Үбү-харчыны спонсордар уонна спорт бу көрүҥүн биһирээччилэр биэрдилэр», - диэтэ «Лидер» спорт киинин инструктора  Иван Яковлев.

«Бу сир аата «Санников карьера» диэн. Биһиги манна аан бастаан кэлбиппитигэр, туох да суоҕа. «Быйаҥ»уопсастыбатыттан Руслан Окороков суолу тутууга, сири көннөрүүгэ элбэҕи үлэлээтэ, оттон «Намгазстрой» тэрилтэттэн Анатолий Федоров ытарга анаммыт түөрт кабинканы бэйэтин үбүгэр-харчытыгар тутар», - диэтэ спорт инструктора.

Спортинг ыытыллар сиригэр кафе, трибуна, о.д.а. тутуллуоҕа. Ол кэнниттэн эбийиэги ааттыахтара. Саха сирин норуоттарын оонньуутугар араас улуустартан 12 хамаанда кэлиэхтээх. Спортиҥҥа 36 киһи күрэхтэһиэхтээх. Нам спортсменнара: «Кыайыахпыт!», - дэһэллэр.