Тулалыыр эйгэни чэбдигирдиигэ, экологическай кутталы аччатыыга, дьон-сэргэ, уопсастыба ортотугар айылҕа харыстабылын туһунан өй-санаа, культура үөскүүрүгэр куонкурус сүрүн сыала-соруга туһаайылынна.

2013 сылы дойду президенэ айылҕа харыстабылын сылынан биллэрбитэ. Бу саҕалааһыны өйөөн, республкаҕа айылҕа харыстабылыгар анаммыт элбэх тэрээһин ыытыллыбыта. Ити тэрэһиннэртэн аҕыйаҕы холобур быһыытынан аҕаллахха, экологическай кэтээн көрүүнү, үөрэтиини олохтооһун, ураты харыстанар сири салайыыны тупсарыы, экологическай сырдатар үлэ, о.д.а көдьүүстээхтик барбыта.

Сыл аайы айылҕа харыстабылыгар анаммыт араас ис хоһоонноох, хайысхалаах акцияларга кыттар дьон ахсаана элбии, эбиллэ турар. Оҕо, ыччат, уопсастыбаннас, былаас уорганнара үгүстүк кытталларын бэлиэтиэххэ сөп.

Албан ааттаах, суон сурахтаах улахан куонкуруска республика аан бастакытын үрдүк миэстэни ылла.