Куонкурука бэс ыйын 28 күнүгэр 16 улуустан: Намтан, Мэҥэ-Хаҥаластан, Уус-Алдантан, Тааттаттан, Ленскэйтэн, Өлүөхүмэттэн, Горнайтан, Үөһээ Бүлүүттэн, Бүлүүттэн, Сунтаартан, Эдьигээнтэн, Өймөкөөнтөн, Үөһээ Дьааҥыттан, Томпоттон, Кэбээйиттэн, Муоматтан 35-гэр диэри саастаах, биир уонна онтон элбэх оҕолоох эдэр ыал кыттыбыта.

Куонкурус биэс түһүмэхтээх этэ. "Дьиэ кэргэн дьолун кистэлэҥэ» түһүмэххэ эдэр дьон хайдах билсибиттэрин, хайдах ыал буолбуттарын уус-ураннык көрдөрбүттэрэ. Өй, билии-көрүү түһүмэҕин ыйытыктара саха омугун дьиэ кэргэҥҥэ анаммыт үгэһигэр, ыал буолуу сиэригэр-туомугар ананна. "Физкультура уонна спорт — чөл олох төрүтэ» үһүс түһүмэххэ ыал спортка ситиһиилэрин билиһиннэрдэ. "Эппиэтинэстээх төрөппүттэр - ыал ситиһиитин сүрүн олуга» уонна "Кэрэ буолуу уонна санаа табыллыыта» түһүмэхтэргэ ыал үҥкүүлүү, үҥкүүлүү кэрэ сэбэрэни, мааны таҥаһы-сабы көрдөрдүлэр.

Куонкурус бары түһүмэхтэрин кэннилэриттэн бастакы миэстэни Руслан уонна Ольга Семеновтар (Горнай улууһа), Николай уонна Екатерина Блахировтар  (Таатта улууһа), Николай уоннаВалентина Корниловтар (Өймөкөөн улууһа) ыллылар.