Д.Лепчиков бэлиэтээбитинэн, дириэксийэ специалистара олохтоох дьаһалтаны кытта социальнай эбийиэктэри, олорор дьиэлэри кэрийэ сылдьар көрбүттэр. «Баайдарын-дуолларын, малларын-салларын сүтэрбиттэринэн биир кэмнээх материальнай көмөнү оҥорууга дьон испииһэги киллэрбитэ. Ууга былдьаммыт 108 дьиэҕэ олорор 266 киһиэхэ бу күннэргэ көмө бэриллиэҕэ. Атырдьах ыйын 5 күнүгэр диэри хоромньулаах хас биирдии киһи көмөнү толору ылыаҕа. Өрөспүүбүлүкэ үпкэ министиэристибэтэ быһыыны-майгыны тилэри өйдөөбүтүн уонна өйөөбүтүн бэлиэтиэх этим», - диэтэ дириэксийэ салайааччыта.

Биир кэмнээх көмөҕө уонна толуйууга өрөспүүбүлүкэ бюджетыттан 16 мөл солк. ананар.  4 мөл. солк. биир кэмнээх көмөҕө, оттон 12 мөл.солк. баайы-дуолу, малы-салы толуйууга.

Итини таһынан тутуу матырыйаалынан көмө 204 дьиэ кэргэҥҥэ оҥоһуллуоҕа. Ол курдук, 176 400 кирпииччэҕэ, 510 куб. м хаптаһыҥҥа, 510 куб. м лафекка наадыйыы баар. «Братскайдааҕы собуокка тус сыаллаахтык кирпииччэни оҥорон эрэллэр. Наадыйыы 20% номнуо бэлэм. Балаҕан ыйын бастакы декадатыгар кирпииччэ барыта тиэйиллэн кэлиэҕэ. Оттон атын матырйаалы атырдьах ыйын 20 күнүгэр диэри түҥэтиэхпит», - диэтэ Дмитрий Лепчиков.

Итилэри таһынан тырааныспар кыһалҕата быһаарыллар - 10 тонна уйуктаах понтоннай муостаны туттулар.