«Тыа хаһаайыстыбытыгар, тыа сирин олохтоохторугар, табаһыттарга, сүөһүнү, сылгыны иитээччилэргэ, балыксыттарга Саха сирин балыыһын сыһыана ураты үчүгэй», - диэтэ федеральнай министиэристибэ салайааччыта регионнар икки ардыларынааҕы мунньахха.

Миниистир эппитинэн, Россия атын регионнара Саха сирин курдук үлэлииллэрэ, тыа хаһаайыстыбатын сайыннарыыга миллиардынан үбү-харчыны тыыраллара эбитэ буоллар, кыһалҕа хас эмэ бүк аҕыйыаҕын чиҥэтэн эттэ. 

«Саха сирин баһылыга уонна парламена тыа сирин өйүүргэ 10 млрд. солк. аныыллар», - диэтэ кини.

Николай Федоров Саха сирэ былырыын, тыа сирин сылыгар үбүлээһини икки төгүл улаатыннарбытын, тыа сиригэр анаммыт биир сыл биэс сылга диэри уһатыллыбытын туһунан эттэ.

Миниистир Россия атын регионнара сорохторо Саха сиригэр тэҥнэһэ, атыттар куота сатыылларын ойуччу тутан бэлиэтээтэ.