«Карина — биһиги дьоруойбут. Күүстээх санаалаах кыыс түргэнник үтүөрдүн», - диэтэ  Егор Борисов.

Карина доруобуйата оннугар түһэн эрэрин медиктэр этэллэр. Кини билиҥнитэ наар сытар, турбат. Ойуурга сылдьан атаҕын күүскэ аалларбыт. Онон, атаҕын күн аайы эмтииллэр, кыра-кыралаан аһаталлар. Психологическай туруга куһаҕана суох. Кини кэпсэтэр, мичээрдиир, ийэтиттэн тэйбэт.  «Ийэтэ кыыһынааҕар ордук куттаммыт быһыылаах», - дииллэр медиктэр.

Карина от ыйын 29 күнүгэр сүппүтэ. Ийэтэ оҕото сүппүтүн туһунан атырдьах ыйын 2 күнүгэр эрэ айдааны тарпыта. Онуоха диэри ыаллыы сытар дэриэбинэҕэ аҕатыгар баар дии саныы сылдьыбыт. Каринаны атырдьах ыйын 9 күнүгэр быыһааччылар этэрээттэрэ булбуттара.