Манна саха тоҕус спортсмена баар. Аан дойду икки төгүллээх чемпиона Виктор Лебедевы таһынанКисловодскайга  Виктор Рассадин, Арыйан Тютрин, Егор Пономарев,  Владимир Флегонтов, Дмитрий Аксенов, Эдуард Григорьев, Вячеслав Ефремов уонна Николай Охлопков кэллилэр.

Россия хамаандатын бастыҥнарын күрэхтэһиитигэр Виктор Лебедев Артем Гебековы  4:0, Артас Санааны 6:2 уонна Рустам Ампары  10:6 ахсаанынан кыайда. Россия быйылгы чемпиона Бурятия спортсмена 61 кг диэри ыйааһыҥҥа тустар Александр Богомоев  биирдэ да хотторон көрбөтө.     

Кыра тохтобул кэнниттэн Россия тустууктара «Новогорск» кииҥнэ эрчиллэ барыахтара. Манна сүрүн бэлэмнэнии ыытыллара биллэр.

Подмосковьеҕа баар «Новогорск» киин Россия сүүмэрдэммит хамаандатын спорт араас көрүҥнэригэр бэлэмниир тутаах база. Манна 500 спортсмен тэҥҥэ дьарыктанар кыахтаах.